نص باللهجة التونسية

نص باللهجة التونسية

في الذكرى الثامنة للثورة التونسية

الشعب يتنفس حرية,

و البطالة باقية  هي هي,

الشباب يحرق,

و حوت البحر يأكلو,

والأسعار نار

الشعب مش خالط على باكو حليب

و لا على حارة عظم,

والأحزاب تتعارك,

و مش عامله حساب

للشباب البطال,

و ليه تلومو عليه

وهو مش لاقي مسروف الجيب؟

تعب من مدان اليدين,

و تعب من قعدانو في القهاوي,

شباب الجامعة بل شهائدو في الماء,

وطيش أوراقو في الواد,

وشد الثنية للحرقة و الدمعه في العين,

 مسكوبة في نهر  الشقاء مكبوتة , والروح مقهورة.

يا حكام البلاد

أنظرو لهجرة الادماغ,

يا حكام البلاد أعملوا حساب لشباب البلاد,

كيف تحبوه ينتخبكم و أنتم ما شغلتوه؟

الثورة قامت على

كرامة حرية تشغيل

شوي حرية شمناها , و لكن مافيش لا كرامة و لا تشغيل,

يا ليت تدرس الحكومة  تشغيل الشباب

وتراعي تدهور المقدرة الشرائية للمواطن التونسي,

 التونسي ما عادش لاقي لا

باكو حليب و لا حارة عظم

الاحتكار بلع كل القوت,

 الدعم يتمتع به الغني,

والفقير مش خاط عليه,

التجارة الموازية أكثر من خمسين بلمياء

رهنت البلاد  للصندوق النقد الدولي,

تونس عزيزة و غالية علينا,

وشعبها راقي و مثقف,

مواردها غنية

ولكن نهبتها الأيادي غير الوطنية.

نساء تونس حرائر

ورجال تونس صناديد

وثقافتهم قنديل يحمي سيادتهم ة

جيش الوطن حماة الهمم الله يحميهم من كل شر,

شباب تونس مستقبل مشعل الوطن

عاشت تونس حرة مستقلة

و يا ليت تصبح تونس بلد في صفوف  البلدان الغنية,

مادام هي غنية بمواردها و بشعبها المتعلم و المثقف.

© فطوم عبيدي

14.1.2019